هذي قصيده اهداء الي اغلى مخلوق ..زعل علي وصار يدعي على روحه ..بالموت مع ان وربي ماسويت شي يزعله ....اي عضو يدخل يكتب برده (حرام تزعل عليه)
[يامعذب الاحباب ياغايب متـى وقـت الوصـول
انا على نـار انتظـر رجعتـك لوطـال الغيـاب
ياهمي الـي لـو يـزول العمـر كلـه مايـزول
ياقرب من الي في يدي وابعد علي من السحـاب
ياصيف عمري ياربيع العمـر ياغلـى الفصـول
يافرحتـي ياسلـوت الايـام يانـواع الـعـذاب
يابحر جده ياشفا الطايف ياحايـل ويـش اقـول
ياتراث مكه ياحضـارت نجـد ياأبهـا والضبـاب
يانغمت الاوتـار ياعـزف الموسيقـى والطبـول
ياظحكـت الاحبـاب مابيـن التغلـي والعتـاب
ياعنفـوان الخيـل ياوقفـات ماضيـن الفعـول
يانشـوت الكسبـان ياعـزت عزيزيـن الجنـاب
ياضحكة الاطفال يانظرات في الطـرف الخجـول
ياهيبت السلطان ياقـدر اللحـى حـق الرقـاب
ياحكمت العاقـل ياعطـف الام يامعنـى القبـول
يالذت الماء في ظماء الظميان ياعذب الشـراب
يامعجـم الاخـلاق يافهـرس تعاليـم الاصـول
ياروعـة الابـداع يابـنـك المـبـادي والاداب
فديت عمرك يابعد عمري جعـل عمـرك يطـول
احسب احساب الي حسب لاحساب حسبتنا حساب
بجاه رب ام القرى والقـدس وبجـاه الرسـول
انا مصاب اوجبـك يلزمـك بسعـاف المصـاب
صبرت حول وحال حول الحول واستقبلـت حـول
وانا انتظرك تذوب في قلبـي وقلبـي فيـك ذاب
وجيتك وانا كلي غلا جيتـك وانـا كلـي ميـول
النفس لارظاك احظرت والقلب لارظاك استجـاب
وعجزت ياصعب طلوع اسالـك ياصعـب نـزول
تصمت ولاحكي لك سوال اصمت ولاتحكي جواب
عزلتني عن عالم(ن) ماكنت انـا عنـه معـزول
اطرد وراك العمر كلـه كنـي اطردلـي سـراب
سمعت قولي وانت قلي ودي اسمع ويش تقـول
انا طرحت الـك السـوال ومنتظـر رد الجـواب[/b][/color][/color]